A A A

INmobil

INmobil er fjarskiptaþjónusta sem Radiomiðun og Snerpa reka í sameiningu fyrir sjófarendur og aðra sem ekki geta nýtt sér hefðbundnar tengingar við Internetið. INmobil getur nýtt margvísleg gagnasambönd svo sem farsíma eða gerfihnattasambönd til að flytja póst og önnur gögn á milli notenda og Internetsins á öruggan hátt. INmobil byggir á því að samnýta tengingar fyrir marga notendur og hægt er að skipta kostnaði niður eftir notkun hvers og eins

Póstkerfi

Póstmiðlun INmobil er gerð með það í huga að hægt sé að nota mörg netföng um borð sem öll nýta sömu samskiptaleiðina í land. Hver notandi fær sitt lykilorð og hefur þannig einn aðgang að sínum tölvupósti. Hægt er að nota stöðluð póstforrit um borð eða nýta sér vefpóst á vefþjóni INmobil um borð. Pósti er þjappað sérstaklega fyrir sendingu án þess að notandinn komi þar nærri og afþjappaður sjálfkrafa á hinum endanum þannig að hann skilar sér til móttakanda á sama formi og hann var sendur. Sendingar eru afmarkaðar í einingar, þannig að ef samband slitnar, þá þarf einungis að halda áfram þar sem frá var horfið þegar samband kemst á að nýju.

Gagnamiðlun

Gagnamiðlun INmobil flytur gögn á milli skipa og lands á sjálfvirkan hátt. Dæmi um slíka notkun er miðlun fréttaefnis, veðurkorta, upplýsinga um lokanir svæða og staðarákvörðunargögn send frá skipi til Vaktstöðvar siglinga.

Öryggi og sundurliðun kostnaðar

Póstur og önnur gögn eru varin á öruggan hátt. Notuð eru SSL-samskipti á sama hátt og t.d. í heimabönkum þannig að ekki er hægt að skoða eldri gögn annarra í vefskoðara. Kostnað vegna notkunar er hægt að skoða á einfaldan hátt í vefviðmóti yfir Internetið og útgerðir geta fært sundurliðunargögn yfir í bókhaldshugbúnað ef þörf krefur.

Póststýring

Póststýring INmobil er byltingarkennd stjórnun á innkomandi tölvupósti. Með póststýringu er hægt að ákveða nákvæmlega hverjir mega senda INmobil notanda póst, hversu stóran, hvaðan hann má koma og hvert hann á að fara ef ekki á að veita honum móttöku. Þannig er hægt að senda póst frá óþekktum sendendum fyrst heim og þar er hægt að ákveða hvort hann má fara áfram til skips, það er hægt að vísa öllum pósti heim á meðan á fríum stendur, hægt er að senda kvittanir fyrir móttöku eða leiðbeiningar til óþekktra notenda um hvernig á að senda þér póst og margt fleira.

Meira um INmobil er að finna á vefsíðunni www.inmobil.net
Snerpa ehf | Mßnagata 6, 400 ═safir­i | SÝmi: 520 4000 | Fax 520 4002 | SIP | Skype |Hafa samband | Vefumsjˇn
Opi­ alla virka daga 8:00-12:00 og 13:00-17:00