Daníel Jakobsson, bæjarstjóri og Björn Davíðsson, þróunarstjóri Snerpu árita samninginn.

Snerpa og Ísafjarðarbær endurnýjuðu í síðustu viku samning til þriggja ára um netsambönd fyrir stofnanir Ísafjarðarbæjar. Samningurinn felur m.a. í sér aukin afköst og fjölgun sambanda. Þá mun verða fyrir hendi aukinn sveigjanleiki hvað varðar sambönd innan hvers byggðakjarna fyrir sig. Snerpa mun nýta uppbyggingu nýs háhraða nets sem er nú í uppsetningu og fengið hefur nafnið Smartnet til að veita þjónustuna. Smartnet byggir á VDSL2 tækni og býður upp á mun meiri hraða til notenda en ADSL og mun verða í boði á næstunni í öllum þéttbýliskjörnum í Ísafjarðarbæ og á Bíldudal.

Að lokinni undirskrift samninga. Sigurjón Kr. Sigurjónsson og Halldór Magnússon hjá OV og Björn Davíðsson og Ragnar A  Árnason hjá Snerpu.

Sigurjón Kr. Sigurjónson og Björn Davíðsson undirrita.

Halldór V Magnússon og Björn Davíðsson undirrita.

« 1 af 3 »

Orkubú Vestfjarða og Snerpa undirrituðu í gær tvo nýja samninga um samstarf sín á milli. Samningarnir eru annarsvegar um fjarskipta- og netþjónustu og hinsvegar um eignarhald og rekstur á ljósleiðurum sem Orkubúið lagði á sínum tíma með öðrum lögnum á Ísafirði.

Samningurinn um netþjónustu er þjónustusamningur sem lýtur að víðnetstengingum, netþjónusu og þjónustu við rekstur búnaðar því tengdu. Skv. honum mun Snerpa veita Orkubúinu fjarskipta- og Internetþjónustu vegna starfsstöðva Orbubúsins víða um Vestfirði og sjá um stjórnun búnaðar því tengdu.

Samkvæmt samningnum um eignarhald og rekstur á ljósleiðurum  kaupir Snerpa tvo ljósleiðara sem Orkubúið lagði árið 2004 en Orkubúið öðlast einnig tiltekin réttindi um afnot af þeim og mun Snerpa því einnig sjá um ljósleiðaratengingar fyrir Orkubúið þar sem þeirra nýtur við. Með kaupunum á ljósleiðurunum ásamt annarri uppbyggingu hyggst Snerpa koma upp öflugum gagnaflutningsleiðum á Ísafirði og víðar sem munu tryggja íbúum á svæðinu háhraða netþjónustu síðar á þessu ári.

Snerpa var eitt þeirra fyrirtækjasem lagði inn kæru til Samkeppnisstofnunar, nú Samkeppniseftirlitsins þann 24. apríl 2004 vegna meintrar óviðunandi hegðunar Landssíma Íslands á samkeppnismarkaði, m.a. misnotkun á markaðsráðandi stöðu, undirverðlagningu, einkakaupasamninga og fleira. Viðkomandi kæra varðaði viðskipti við Íslandsbanka þar sem m.a. starfsmönnum bankans var boðin nettenging undir kostnaðarverði. Í gær, 26. mars 2013 birti Samkeppniseftirlitið sátt sem Síminn og Skipti féllust á vegna m.a. þessa gamla kærumáls. Meðferð málsins hefur tekið gríðarlega langan tíma í meðförum Samkeppnisstofnunar og Samkeppniseftirlits eða tæp níu ár, nákvæmlega 3.259 daga.

Þrátt fyrir það standa kvartendur, sem Samkeppniseftirlitið telur að brotið hafi verið á með alvarlegum hætti og í langan tíma, eftir bótalausir þar sem Síminn og Skipti hafa í sáttinni ekki viðurkennt brotin. Vissulega miðar sáttin að því að gerðar séu breytingar sem bæta samkeppnisumhverfi aðila eins og Snerpu en það verður að segjast eins og er að vinnubrögð Samkepnnisyfirvalda í þessu máli eru forkastanleg og með ólíkindum hvað yfirvöld eru sein að bregðast við kvörtunum. Snerpa og fleiri aðilar hafa haft með sér samstarf um reglulegan eftirrekstur á málsmeðferðinni og íhuga nú næstu skref. Líklegt má telja að þau felist í kröfum um skaðabætur vegna þess mikla tjóns sem sýnt hefur verið fram á.

Netþrjótar senda ekki bara tölvupósta eða setja upp heimasíður í miður skemmtilegum tilgangi. Þeir gætu einnig hringt í þig og þóst vera þjónustufulltrúi hjá Microsoft eða öðru þekktu fyrirtæki. Þeir gætu boðið þér aðstoð við að laga stýrikerfið eða reynt að selja þér hugbúnað, og til þess að gera það er beðið um aðgang að tölvunni þinni. 

Þetta er gert í þeim tilgangi að:

• Plata þig til að setja upp hugbúnað sem getur safnað persónulegum upplýsingum, eins og aðgengi að heimabanka.
• Komast í tölvuna til að opna fyrir möguleika að hægt sé að ná stjórn á henni síðar.
• Biðja þig um kreditkortanúmer til að borga fyrir þessa þjónustu.
• Beina þér á heimasíðu sem biður um kreditkortanúmer eða aðrar upplýsingar.

Við viljum benda á að gefa aldrei upp persónulegar upplýsingar eða kreditkortanúmer til aðila sem þú kannast ekki við. 

Nánari upplýsingar um þessi svindl má finna hér fyrir neðan:

http://www.microsoft.com/security/online-privacy/msname.aspx

Netþrjótar hafa undanfarið verið iðnir við kolann að hrekkja fólk og reyna t.d. að fá það til að láta lykilorð af hendi undir ýmsu yfirskini og er þá oft vinsælt að biðja fólk um að uppfæra um sig upplýsingar. Meðfylgjandi er skjáskot af einu slíku sem tekst að komast í gegn um ruslpóstvarnir á þeirri forsendu að það kemur frá póstþjónum Google sem almennt eru álitnir öruggir. Jafnframt vísar pósturinn á vefform hjá Google sem, þegar þetta er skrifað, hefur ekki enn tekið niður.

Fólk er almennt varað við svona tilkynningum, það á ekki að þurfa að skrá inn lykilorð sitt nema maður sé á síðu sem maður þekkir vefslóðina á og veit að er rétt.

Almenn skynsemi er þó alltaf best enda má sjá að texti skeytisins er greinilega þýddur í ekki of góðri þýðingarvél, eða hverjum dytti í hug að uppfæra ,,Staðfesting Board" þar sem ,,pósthólfið þitt hefur farið lt bílskúr limit".

Í kjölfar mikillar ofankomu í dag jókst álag á vefmyndavélarnar töluvert og á tímabili upp úr kl. 14 varð vart við truflanir þar sem á þriðja hundrað notendur voru að kíkja eftir veðri fyrir vestan. Við þessu var brugðist með því að bæta við streymisþjón í dag og ættu því vandkvæði vegna þessa að vera úr sögunni í bili.

Snerpa, Tölvuvinnslan og Arnfirðingafélagið hafa í sameiningu komið upp vefmyndavél á Bíldudal. Myndavélin er sömu gerðar og Snerpa setti upp í Dýrafirði fyrr í sumar og er henni beint yfir höfnina á Bíldudal og send úr henni lifandi mynd. Á sama hátt og í hinni vélinni er hægt að sjá stærri mynd úr vélinni með því að smella á hana með hægri músarhnappi og velja fulla stærð. Myndavélin er á vefmyndavélasíðunni undir 'Allt hitt' eða hér.

Snerpa hefur komið fyrir vefmyndavél á Höfða í Dýrafirði og er útsýnið til vesturs út Dýrafjörðinn frá ytri hluta Þingeyrar og yfir að Mýrafelli. Myndin úr vélinni er lifandi og með því að smella á hægri músarhnapp yfir henni má skoða hana i fullri skjástærð. Litlu hvítu deplarnir sem birtast stundum í forgrunninum eru endurnar hans Sighvats á Höfða. Vefmyndavélina má finna undir ''Allt hitt' -> 'vefmyndavélar' -> Dýrafjörður eða hér. Við viljum nota þetta tækifæri til að þakka heimilisfólkinu á Höfða fyrir að hýsa vélina.

Eins og sjá má er þessi vifta ekki að gera neitt gagn

Ryk og tóbaksreykur er ekki góð blanda

« 1 af 2 »

Er tölvan þín hæg og virðist endurræsa sér án sérstaks tilefnis? Er viftan alltaf á fullu án þess að það sé verið að gera neitt? Þá gæti tölvan þín verið með "lopapeysu"einkenni, þ.e. full af "rykrollum".

Snerpa er einn af framkvæmdaaðilum Inspired by Iceland vegna netútsendingar á Aldrei fór ég suður. Undanfarna viku hefur staðið yfir undirbúningur að útsendingunni með uppsetningu á streymisþjónum. Nýjung að þessu sinni verður að útsendingin verður frá nokkrum streymisþjónum, tveir þeirra verða hjá Snerpu og munu þjóna Vestfjörðum og hluta Vesturlands auk þess sem Snerpa dreifir útsendingum á aðra streymisþjóna. Álaginu verður þannig dreift enda má búast við að mjög margir nýti sér útsendinguna og því mikilvægt að ekki verði á neinir hnökrar. Hægt verður að nálgast útsendinguna á vef Inspired by Iceland www.inspiredbyiceland.com Snerpa hýsir einnig vef Aldrei fór ég suður hátíðarinnar á www.aldrei.is