A A A

Um Snerpu ehf

Snerpa ehf. er einkahlutafélag á Ísafirði, en stofnendur þess eru Björn Davíðsson og Jón Arnar Gestsson. Félagið var stofnað 25. nóvember 1994 og hluthafar eru nú fjórir talsins. Þann 1. ágúst 1996 keypti Snerpa verslunina Hljómborg og flutti megnið af starfsemi sinni í aðstöðu Hljómborgar að Hrannargötu 2, en verkstæði Snerpu var þó áfram að Sindragötu 3. Árið 1998 keypti Snerpa nýuppgert tveggja hæða hús að Mánagötu 6, seldi eign sína við Sindragötu og flutti síðan alla starfsemina að Mánagötu.

Nafn fyrirtækisins er fengið frá Gagnabankanum Snerpu BBS, sem er forveri Internetþjónustunnar. Gagnabankinn Snerpa BBS var rekinn frá 1. mars 1992 til 15. júlí 1995, þegar Internetþjónusta Snerpu var opnuð.

Snerpa ehf. rekur alhliða tölvu- og netþjónustu. Starfsmenn Snerpu hafa m.a. sérhæft sig í vefforritun og hugbúnaðargerð sem byggir á fjarvinnslu og Internetstöðlum. Stór þáttur í starfsemi félagsins er rekstur á alhliða Internetþjónustu og nær þjónustusvæði Snerpu yfir allt landið og í mörgum tilfellum víðar. Snerpa hefur yfir að ráða einu af stærri víðnetskerfum landsins og rekur m.a. hnútpunkta í öllum þéttbýliskjörnum á Vestfjörðum. Snerpa hefur jafnframt mjög öflugar tengingar við Internetið um útlandagáttir Símans, Vodafone og skiptistöð fyrir innanlandsumferð í Tæknigarði í Reykjavík (RIX).

Hluthafar sem eiga meira en 10% eru: Björn Davíðsson 49,29%, Hvetjandi hf. 32,14% og Örn Ingólfsson 15,00%

Snerpa er stofnaðili að Atvinnuþróunarfélagi Vestfjarða og Háskólasetri Vestfjarða. Snerpa er staðsett í eigin húsnæði að Mánagötu 6 á Ísafirði.

Hjá fyrirtækinu starfa nú níu starfsmenn.

Internet úthlutanir:
RIPE: IP-net: 193.109.16.0/20
RIPE: AS-númer: 24743
IANA: ITAD-númer: 1391

Snerpa ehf | Mnagata 6, 400 safiri | Smi: 520 4000 | Fax 520 4002 | SIP | Skype |Hafa samband | Vefumsjn
Opi alla virka daga 8:00-12:00 og 13:00-17:00