Netruslpóstur, oft nefndur spam, hefur færst mikið í aukana undanfarið ár en þó aldrei meira en sl. tvo mánuði og er nú meira en helmingur af öllum sendum pósti á Netinu eða rúmlega 62%.
ADSL-áskrift með 1 GB erlent niðurhal og fastri IP-tölu kostar kr. 3.100,- á mánuði og þurfa þeir áskrifendur sem vilja breyta áskrift sinni að óska sérstaklega eftir því, en þeir sem kjósa að halda áfram í núverandi fyrirkomulagi þar sem áskriftargjaldið er kr. 2.900,- geta haldið áfram með fyrri kjör. Framvegis verður einungis í boði nýi áskriftarflokkurinn en sá eldri gildir fyrir áskrifendur sem vilja halda þeirri áskrift.
Nú fara skólar að hefjast og eru nemendur í síauknum mæli að fá sér ferðatölvur til þess að nota í skóla eða tölvu til að vinna við heima, þar sem að segja má að tölvan sé orðin "staðalbúnaður" í námi.
Snerpa ehf. hefur hafið sölu á heimasíðuplássi undir léninu it.is. Þetta er einstaklega góður, einfaldur og ódýr kostur fyrir þá sem vilja halda úti heimasíðu.
Í gær, 1. ágúst var gengið frá uppsetningu á fastlínusambandi Snerpu til Flateyrar. Flateyri er fimmti staðurinn utan Ísafjarðar þar sem Snerpa setur upp hnútpunkt en fyrir eru tengingar í Bolungarvík, Suðureyri, Súðavík og á Hólmavík.
Snerpa hefur nú gert breytingar á gjaldskrá sinni fyrir ADSL-sambönd. Gjaldskráin gildir einnig fyrir ISDNplús og Internet um breiðband. ISDNplús er fáanlegt um allt land en IuB er eingöngu fáanlegt á afmörkuðum svæðum í Reykjavík.
Snerpa